ORANJESTAD- Meskos ku ta e kaso tambe ku Saba, Sint Eustatius lo risibí su propio pakete ku medidanan spesífiko pa e isla. E ‘Statia Package’ a keda firmá djabièrnè pa komisario Alida Francis na nòmber di Entidat Públiko Sint Eustatius i Van Huffelen na nòmber di e Gobièrnu Hulandes.

E akuerdo ta inkluí un seri di medida dirigí riba mehorashon di e nivel di bida pa e habitantenan riba e isla, manera tambe prioridatnan importante pa e aña ku ta bini. Detayenan tokante e akuerdo nobo ku a firma ainda no a ser komuniká.

Den e siman benidero, komisario Francis lo presentá e detayenan di e akuerdo na e komunidat.