KRALENDIJK – Fundashon Tienda pa Konshumidó Boneriano (FTPKB) i e departamento di Supervisión i Mantenshon di e Entidat Públiko Boneiru (EPB) a tuma akshon konhunto kontra produkto ku etikèt den supermarkadonan no ta kumpliendo ku e lei.

Durante un reunion resien entre FTPKB i e departamentu di gobièrnu, a deskubrí ku ta bendiendo produktonan for di China ku etikèt eksklusivamente na idioma Chines. Esaki ta algu kontra eksigensian lega pa duna informashon komprendibel i transparente na e konsumidó. 

Komo resultado di e reunion, Supervishon & Matenshon a duna un supermerkado konserní e òrdu pa eliminá e produktonan konserní for di rèki.  

ProtekshonSegun e direktora di FTPKB, Giovanna Frans, kolaborashon i informashon di konsumidónan ta esensial pa yuda protehá nan derecho. “Konsumidónan ta nos wowo i orea. Danki na e notifikashonnan aki, nos por aktua mas lihé pa garantisá nan derecho.”