WILLEMSTAD – Na luna di febrüari seis operadó nobo a kuminsá nan estudio na Martitieme Operatie Centrum (MOC). E estudio aki ku ta dura djesun luna ta diseñá pa introdusí e koleganan nobo kompletamente den abilidatnan i konosementu ku ta krusial pa funshoná komo operadó dentro di e sektor marítimo.

Durante e treinen intensivo aki e partisipantenan ta haña lès den diferente disiplina, entre otro lei marítimo, legislashon gubernamental, operashonan di búskeda i reskate, legislashon húmedo, i idiomanan Ingles i Hulandes. Tambe ta dediká atenshon na komunikashon marítimo i servisio na kliente.

Un aspekto úniko di e estudio ta bishita di sosionan manera CITRO i Servisio Meteorológiko, ku ta hunga un papel importante den e operashonnan diario i ku kua nan tin un kolaborashon estrecho.

MOC ta hunga un papel krusial dentro di e Sentro di Operashon di Wardakosta, i ta funshoná komo e promé punto di kontakto pa tantu  kadena di sosionan lokal na Aruba, Boneiru, Kòrsou, Sint-Maarten, Saba i Sint-Eustatius, komo sosionan internashonal.

E responsabilidatnan di Wardakosta, manera búskeda i reskate, kontrol di frontera marítimo, supervishon riba peskeria i medio ambiente, i sirbi komo punto di kontakto inisial, ta kai tambe bou di responsabilidat di MOC. Den koperashon ku e tripulante di unidatnan di Wardakosta e operadónan ta kordiná tur operashonnan marítimo.