ORANJESTAD – “Aruba a disidí pa no prolongá nos koperashon”. Ku e palabranan aki e organisadónan di Soul Beach Music Festival a anunsiá despues di 24 aña fin di e evento na Aruba. Asina Noticiacla ta informá.

Un luna pasá a surgi insertidumbre tokante e festival, na momento ku a publiká un karta di organisadó Mark Adkins na e organisashon di turismo ATA, kaminda e ta puntra kiko ta e motibu ku no tin komunikashon. ATA a deklará e ora ei ku tin otro plannan pa festivalnan na Aruba i ku a informá e organisadónan tambe tokante esaki.

Pero segun Adkins e organisashon di turismo no a komuniká kiko e kambio aki ta enserá. Pa e motibu aki a surgi insertidumbre. E ora ei ya kaba tabata konosí ku probablemente e festival lo no regresá Aruba, pero awor esei ta konfirmá ofisialmente tambe.

E baimentu di Soul Beach Music Festival ta marka final di un era pa Aruba, ku for di 2000 tabata sede di e evento ikóniko aki. Fanátikonan lo mester sigui biba ku rekuerdonan di e hopi puntonan musikal kulminante ku e festival a trese riba e isla.