KRALENDIJK – Den e mundu di windsurf e hóben Storm Nicolai a duna e luna ku a transkurí un prestashon impreshonante birando kampion mundial riba fin. E talento hóben Boneriano, ku pa basta tempu kaba mucha hòmbernan ta konsiderá komo un di e talentonan mas grandi, ta kompartí su eksperensia- i ambishonnan despues di su temporada eksitoso.

“Nos a kuminsá e temporada na Aruba,” Nicolai ta konta entusiasmá. “Tabata promé biaha ku mi a purba realmente pa hasi e tour kompleto. Mi a traha i spar duru pa logra esaki.” E biahe a hiba Nicolai di Boneiru pa Dinamarka i Turkia, kaminda kada lugá ta trese su retonanan. “Na Aruba mi a gana dos aña pasá un kompetensia internashonal, pues mi tabata sa ku mi lo a presta einan.”

Ganando e título mundial tabata un konfirmashon pa Nicolai di su trabou duru i dedikashon. “Ora mi a gana na Aruba, mi a kuminsá pensa realmente riba e posibilidat pa bira kampion mundial e temporada aki,” e ta bisa. “Mi a keda trein i finalmente esei a duna su frutanan.”

Den e siguiente Kopa Mundial na Boneiru, Nicolai a sali na di dos lugá. Pa e motibu aki e mester a presta bon na Dinamarka i Turkia. El a gana ámbos evento, di moda ku e Professional Windsurfers Associacion (PWA) a apuntá e hóben Storm Nicolai komo kampion mundial.

Bira esun mihó

Apesar di su edat hóben di kasi djesseis aña, Nicolai tin kaba un vishon kla pa futuro. “Mi ke ta simplemente esun mihó den loke mi ta hasi,” e ta bisa determiná. Patrosinio di markanan grandi manera Starboard ta yud’é pa sigui su soñonan, ounke e ta enfatisá ku e kaminda pa yega tòp no ta bini sin sakrifisio. “Mi ta hasi di mi hòbi un sorto di empleo. Mi ta duna entre otro lès di sùrf. Ku e entradanan mi ta purba di paga por parti mi biahenan,” e ta splika tokante su trabou na tienda di sùrf Jibe City, kaminda e ta haña e entradanan nesesario banda di su esfuersonan deportivo.

Nicolai tin un pashon pa deporte i su determinashon pa perfekshoná su mes. E aña ku ta bin tambe e ke presta bon atrobe den PWA. No solamente ku hóbennan, pero tambe ku adultonan e ke bai partisipá un biaha. Mientras e ta prepará pa retonan nobo i pa defendé su título mundial, e ta keda ku enfoke riba su meta final: sobresalí i bira esun mihó den su deporte. “Tur kos ta bai pa e honor,” e ta konkluí. “I esei ta presis loke mi ta bai p’e.”