American Airlines ku mas buelo i mas stul riba ruta di Boneiru

Kralendijk- American Airlines, meskos ku Delta Airlines, lo introdusí mas espasio i mas buelo riba su ruta pa Boneiru. Por lo pronto lo bini ku un buelo adishonal tur djaluna.

Banda di esei, e kompania di aviashon lo usa avionnan Boeing 737 na lugá di e Airbus A319 ku nan ta usa normalmente riba e ruta. Esaki ta nifiká 44 stoel mas riba kada buelo.

Den temporada di ‘high season’. American lo bula buelonan tur dia, durante un periodo kòrtiku di 16 di desèmber 2021 te ku yanüari 2022.

Gobièrnu di Boneiru ta hopi kontentu ku tantu interes di aerolineanan merikano, asina rápido despues ku fronteranan di e isla a habri bek pa buelonan direkto for di Merka. Segun diputado Hennyson Thielman, esaki ta kuadra ku plan i meta di e plan di rekuperashon turístiko.