Solamente pa pa pasa promé angua

Kralendijk – Pa hisa e kantidat di bakunashon, for di djabièrnè 16 di aprel te ku 30 di aprel ta posibel pa pasa e promé angua di corona sin sita na Kompleho Deportivo Jorge Nicolaas i Fundashon Mariadal. E siman akí e departamento di Salubridat Públiko a anunsiá di bai amplia konsiderablemente e kantidat di posibilidat pa pasa angua.

E departamento ke logra dentro di dos siman ku ta bakuná 85% di poblashon. Anteriormente gezaghèber Edison Rijna a deklará ku si bakuná 85% di poblashon, Boneiru tin e vírùs mihó bou di kontròl i por bai bèk na un sosiedat habrí.

Den siman di djaluna te ku djabièrnè di 17:30 -19:30 habitantenan por pasa e promé angua sin sita na Kompleho Deportivo Jorge Nicolaas. Djasabra 24 di aprel esei ta posibel di 09:00 -11:30 i di 13:00 – 17:30. Djadumingu 25 di aprel siudadanonan por pasa nan promé angua di 09:00 – 11:30 i di 13:00 – 16:30.

Mariadal

Na Fundashon Mariadal por pasa e promé angua di corona sin sita di djaluna te ku djabièrnè di 09:00 – 14:00.  Pa tur sitio di pasa angua ta konta ku hendenan ku tin un sita kaba, no por kana drenta sin sita pa pasa e promé angua. Tur hende ku kana drenta, mester bai ku un sédula bálido òf pasaporte. Si bo tin fèrkout e konseho ta pa no kana drenta pa pasa angua, keda kas i yama 0800 0800 pa un tèst di corona. Empresanan, ofisinanan, organisashonnan i asosiashonnan ku ke bakuná komo grupo,  por registrá na 0800 0900.  E lugá pa pasa angua na Fundashon Mariadal ta masha adekuá pa esei. Ora di registrá por bisa si ta deseá pa saka un portrèt den grupo na final.

Bario

For di 19 te ku 30 di aprel habitantenan di bario por pasa e promé angua di corona sin sita na nan sentro di bario. Na Rincon hendenan por pasa na Cocari. Habitantenan di Nikiboko por bai Sentro di Bario Tera Kòrá.  Habitantenan di Amboina, Antriòl, Nort’i  Saliña i Tera Kòrá por pasa angua na nan sentro di bario. Aki ta sigui un bista di e sitionan di pasa angua i e oranan ku por kana drenta sin sita.   

Fundashon Mariadal

Djaluna te ku djabièrnè di 09.00 – 14.00.

Kompleho Deportivo Jorge Nicolaas

Djasabra 17 di aprel      Kompleho Deportivo      17.30 – 19.30    Tur hende promé angua

Djadumingu 18 di aprel  Kompleho Deportivo      09.00 – 11.30    Tur hende promé angua

                                                                        13.00 – 16.30    Tur hende promé angua