Aerolinea i biahamentu

BIA ta firma akuerdo di koperashon ku e otro aeropuertonan na nos islanan hermana

May be an image of 6 people, screen and indoor

Kralendijk- Bonaire International Airport (BIA) djarason a firma un akuerdo di koperashon ku e otro islanan di anterior pais Antia Hulandes i Aruba.

E akuerdo di koperashon, ku a haña e nòmber “Dutch Caribbean Cooperation of Airports” (DCCA). Meta di DCCA ta pa kompartí konosimentu i pa huntu para mas fuerte. E aeropuertonan, bou di e kombenio, lo traha huntu riba diferente tereno manera inovashon, mantenshon di regla, sigurdat, infrastruktura i mantenshon. Tambe e aeropuertonan por sostené otro ku sierto rekurso humano.

Segun direktornan di e aeropuertonan, e krisis aktual ta duna èkstra importansia i balor na e akuerdo.

Duradero

Un otro tereno kaminda e aeroupertonan ke traha huntu, pa bira pionero riba e tereno di ehekushon di buelo ku avion eléktriko den futuro serkano. “Asina nos ke yega na tráfiko aéreo ku no tin solamente ménos impakto riba naturalesa, pero tambe buelonan mas barata”, asina tin skibí den un deklarashon konhunto.

Deel dit artikel
Rocargo
Rocargo
Rocargo
Rocargo