KRALENDIJK – Na sèptèmber 2023, Bonaire a registra un imagen mesklá  pa loke ta trata kresementu di turismo riba e isla.

Na sèptèmber un total di 11,928 bishitante ku a pasa anochi na e isla a bini, markando un kresementu di solamente 0.7% kompará ku e aña anterior. Sinembargo, si ta kompará ku sèptèmber di 2019 promé ku e pandemia, e kifranan ta mustra un kresementu signifikante di 19.3%. 

Hulanda i Estados Unídos a keda e prinsipal merkadonan fuente, ku Alemania viniendo dilanti komo un merkado fuerte. Kòrsou ta kontinuá  di hunga un papel vital, kontribuyendo signifikantemente na e panorama di turismo di Bonaire. 

E grupo di edat di 45 pa 54 aña a keda e mas komún entre e bishitantenan, poniendo den dje dje atrakshon di Bonaire pa biaheronan maduro ku ta buska eksperensianan variá. 

Turismo di krusero tambe a hasi un kontribushon substansial, ku 19,747 bishitante di krusero a yega na ougùstùs 2023 debí na e presensia di kuater barku di krusero.