Boneiru ta pasa pa fase di lockdown

Kralendijk- Boneiru ta pasa pa fase 6 den e nivelnan di riesgo pa loke ta trata e situation di Covid-19 riba nos isla. Esaki efektivamente ta nifiká ku lo bini un ‘lockdown’.

Djamars atardi gezaghèber Edison Rijna a duna un bista di e medidanan. Lo bini ku un toke de keda entrante djaweps, ta bai sera skolnan i akohida di mucha i ta bin ku un lei seku, den e sentido ku bar i restorant no tin mag di bende bebida stèrki.

Na hotèlnan restorant i bar ta keda habrí, pero nan tin mag di sirbi solamente hende ku ta kedando den hotèl.

Restorant

Gezaghèber a disidí di krea tòg un posibilidat pa restorant sigui bende, a pesar ku den e lista ku a publiká anteriormente, ora di nivel 6 a pone ku tur restorant mester sera. Rijna den su splikashon djamars atardi a bisa ku restorantnan por keda sirbi hende ku ta pidi kuminda, pero hende mester keda sintá den na outo i no tin mag di baha para den rei warda kuminda.

Tiendanan esensial manera supermerkado ta keda habrí.