Notisia

Corenden lo por bula pa Boneiru tambe

Corendon pa un temporado kòrtiku tabata tin su propio avion na Kòrsou, pero awor lo tin e ambishon di bula transatlántiko. Pòtret: ABC Online Media

KRALENDIJK – Na Kòrsou den último dianan por skucha hopi spekulashon tokante posibilidat ku e kompania di biahe Corendon mes lo bai kuminsá ehekutá buelonan entre Schiphol i aeropuerto di Kòrsou. 

Fuentenan di digno krédito ta mustra ku ku e buelonan pa Kòrsou lo por kuminsá for di banda di novembèr di e aña aki. E  plan pa nan mes bula e ruta ta resultá di malkontentu di Corendon tokante preisnan di tikètnan ku KLM ta ofresé, pero tambe pa problemanan di kapasidat. 

Corendon awendia ya tin tres hotèl propio na Kòrsou ku mester keda yena ku sufisiente huestpetnan. 

Boneiru

Di mesun fuentenan awor.nu ta komprondé ku tambe ta konsiderando pa inkluí Boneiru den e plan di biaha pa Kòrsou. Aki e idea ta ku lo bula al ménos un biah pa siman via di Boneiru. Ta trata di un biaha triangular. Den e kaso ei, e buelo lo por sali for di Amsterdam pa yega Boneiru di forma direkto, pa despues regresá pa Amsterdam via di un parada na Kòrsou. 

Aunke parti di Corendon di e merkado turístiko na Boneiru ainda ta relativamente chikutu, esaki ta kresiendo si. 

Deel dit artikel
Rocargo
Rocargo
Rocargo
Rocargo