KRALENDIJK – Riba dia djesun di luna djesun ta  inougurá na un manera festivo Karnaval di Boneiru 2025 na Empire Cinema ku e dokumental Uní den Karnaval ku FuHiKuBo ta presentá. E pelíkula ta konta e historia di karnaval Karibense i ta mustra kon Boneiru ta selebrá esaki huntu ku e otro islanan den Reino: Kòrsou, Aruba, Sint-Maarten, Saba i Sint-Eustatius.

Ku imáhennan bunita i storianan personal e dokumental ta hiba e públiko den e historia úniko di karnaval riba e islanan i e laso ku ta uni nan durante e fiesta. Por mira Uní den Karnaval na Papiamentu i Ingles, ku suptítulo na Ingles.

E presentashon ta grátis, pero ta obligatorio pa registrá via  +5997950020.