KRALENDIJK – Koleganan di Sentro di Detenshon i Korekshon Kòrsou (SDKK) lo partisipá na un stazje di orientashon durante 14 dia na Justitiële Instellingen Carbisch Nederland (JICN) na Boneiru komo parti di un programa di Twinning.

Durante di e stazje di orientashon aki, kolega di diferente disiplina di SDKK lo tin e oportunidat pa wak i eksperensia den JICN. Nan lo enfoká espesífikamente riba kon nos ta implementá nos trayekto di detenshon i re-integrashon i kon nos ta krea nos instrukshonnan di trabou tokante trato ku kliente.

Segun RCN a bisa den un komunikado, ta di gran importansia pa interkambiá eksperensia i konosementu i e Programa Twinning aki ta ofresé e oportunidat ideal pa esei. Dor di kolaborashon i siña di otro, nos ta buska pa enrikesimentu di nos organisashonnan i un fortifikashon di e laso entre nos.

Fruktífero

Ámbos organisashon ta spera un kolaborashon balioso i produktivo den e dos siman ku nan lo ta na Boneiru.