KRALENDIJK – Boneiru ta konfrontá ainda un diskushon rondó di e hürmentu di kas riba término korto. Mientras sinku hürdó ta warda ku ansiedat riba e veredikto di wes, e diskushon tokante e lei ta lanta kabes atrobe riba e isla. Famia de Graaf, un di e hürdónan embolbí, ta kompartí su preukupashon- i eksperensianan.

“Nos no ta invershonista komersial,” De Graaf ta enfatisá. “Nos ta simplemente hendenan ku stima Boneiru i tin gana di biba akinan. Nos a konstruí nos kas ku e promesa di Entidat Públiko Boneiru (OLB) ku nos tabatin mag di hür e, pero awor nos ta sinti ku gobièrnu a laga nos na kaya.”

E diskushon tokante hürmentu riba término korto ta kompliká. Hürdónan manera De Graaf a hür nan kasnan añanan largu sin problema. Gobièrnu lokal sinembargo a duna di konosé desde mart 2024 di bai mantené mas severo riba e lei ku ta prohibí hürmentu riba término korto den sierto zonanan residensial. 

Ta parse ku OLB ta inkonstante 

“Dia ku nos a kumpra nos kas, a sigurá nos ku hürmentu lo no ta niun problema,” De Graaf ta konta. “Nos a haña asta konfirmashon di OLB. Pero awor nos ta haña nos konfrontá ku kartanan di menasa i butnan haltu.” No solamente De Graaf i su famia a haña nan konfrontá ku ámtenarnan di e departamentu di mantenshon i supervishon di OLB, ku durante nan bishita no a pèrmití pa identifiká nan. Mas hürdó a laga sa ku e manera di komuniká tabatin aspekto di intimidashon. Pa De Graaf no tin otro manera ku hür su kas na e momento aki pa término largu.

Kòntròl solamente na La Palma i Sabal Palm

Por sinti e impakto di mantenshon riba e isla. Hopi turista ta skohe pa estadia den un kas di fakansi enbes di un hotèl. Si saka e kasnan aki for di hür, esaki lo por tin un impakto ekonómiko grandi. “Nos hürdónan ta trese sèn den lachi pa empresanan lokal, nan ta kome den restorantnan i ta hür artefaktonan pa sambuyá,” De Graaf ta splika. “Nos anterior hürdónan ta purba di alkansá nos ainda na tur manera. Na e momento aki nos anterior hürdónan ta skohe pa hür den e bario di Sabadeco. Pasobra ta parse ku awor OLB ta kontrolá e hürmente riba término korto solamente den e barionan La Palma i Sabal Palm. Tambe tin hürdó ku a laga nos sa ku nan no ta bini Boneiru mas. Pasobra nan no tin gana di keda den un resort.” Den un reakshon anterior diputado Clark Abraham a laga sa ku OLB ta okupá ainda ku mantenshon estrikto. 

Ofisina di Turismo Boneiru (TCB) no ta midiendo impakto ainda

Mester sali na kla ainda si e mantenshon ku a inisiá anteriormente e aña aki pa hürmento riba término korto lo tin konsekuensianan ekonómiko. Ofisina di Turismo Boneiru a laga sa na luna di mei ku nan ta trahando riba midimentu di e impakto finansiero pa e isla. Na luna di ougùstus e promé resultadonan lo mester tabata konosí. A base di e pregunta aki di Bonaire.nu direktor Miles Mercera a laga sa lo siguiente: “Nos no tin aktualisashon konkreto ainda di e investigashon. E no ta un proseso simpel. Pero te ku awe no tin impakto.” Ta mui bien posibel ku ainda no a midi impakto. Segun diferente hürdó esaki ta debí na e echo ku ta parse ku no ta manteniendo den tur bario di Boneiru.

Spera riba wes

De Graaf i su kompañénan hürdó a entamá e kaso. Riba 1 di òktober tabatin un seshon. Hürdónan ta spera ku wes lo hasi un veredikto positivo pa nan. “Nos ta spera ku wes lo rekonosé ku gobièrnu no por kambia su maneho asina asina sin tene kuenta ku e derechonan atkerí di e hürdónan,” e ta bisa.

E inklaridat ku OLB ta duna segun e hürdónan den kombinashon ku argumentonan pakiko mester para hürmento riba término korto den sierto barionan, parse puntonan di referensia importante. “E argumento por ehèmpel ku nos ta stroba koheshon sosial den bario ku hürmentu riba término korto, mi no ta kompartí. Pasobra akaso personanan ku ta hür pa tres luna lo fortifiká e koheshon aki si? Apsolutamente ku nò. Mas aun, mi ta mira serka e tipo di hürdónan aki yuist mas tantu problema manera entre otro molèster di zonido okashoná pa fiestanan den kurá. Un otro motibu ku nos ta ekstraé un bibienda for di merkado di bibienda mediante nos hürmentu, mi no ta kere. E preisnan pa e bibiendanan aki di kua nos ta papiando ta muchu haltu pa merkado lokal.”

Mientras De Graaf i otronan ta spera e veredikto, e insiguridat di  futuro di hürmentu riba término korto na Boneiru ta keda eksistí. Hopi hürdó, manera De Graaf, tin mas aspekto ku interesnan finansiero so. “Nos ke ta un parti di e komunidat. Nos ta biniendo diferente luna pa aña Boneiru. Ku esaki nos ta yuda diferente organisashon ku ta sosialmente embolbí akinan. Gustosamente nos ke kontribuí ku algu positivo na e isla ku nos stima asina tantu.” De Graaf i otro hürdó ta spera ku ansiedat e veredikto di wes e tempu benidero. “No ta kla ainda ki dia wes lo duna su veredikto. Pero nos ta spera riba un kontesta positivo.”