The Bottom, Saba – Inspekshon di Labor a ehekutá diferente kòntròl na kompanianan na Saba. Na tres (3) di e en total binti (20) inspekshonnan a haña trahadó estranhero pa kua no a otorgá pèrmit di trabou. A para un konstrukshon pa motibu di kondishon di trabou insigur.

A ripití diestres kòntròl den komèrsio por detal i den hóreka. Ta trata di kompanianan ku anteriormente a haña un atvertensia. Mayoria di e kompanianan entre tantu a tuma e medidanan nesesario pa kita e infrakshonnan. A hasi shete kòntròl na sitionan di konstrukshon. KPCN i KMar a duna sosten na dos (2) di e inspekshonnan aki.

E dunadónan di trabou ku a laga trahadó estranhero traha sin un pèrmit pa trabou,  ta haña un prosèsferbal komo ku nan a violá e Lei di labor di estranhero BES. E legislashon aki ta protehá merkado di labor i ta kombatí konkurensia deshonesto.

Banda di ehekushon di kòntròlnan den kuadro di trahamentu honesto, seif i salú, Inspekshon di Labor ta investigá algun kaso na Saba kaminda posiblemente tin froude ku e Sosten di Corona.

---

Lesa tambe:

• 
  Por deskubrí historia di antepasadonan ku e buki ‘Archivo Spièrtá’
• 
  ZJCN ta introdusí mehorashon den seguro médiko pa islanan BES 
• 
  Marco van de Kreeke bèk na aeropuerto Flamingo komo di dos direktor 
• 
  Otro charla mas pa mayornan tokante uso seif di medionan sosial serka mucha
• 
  Entrega di Kalènder 2025 “Ban Topa Nos Grandinan” na Gezaghèber John Soliano