WILLEMSTAD – A posponé e plan pa introdusí florin Karibense pa asina remplasá florin Antiano te komienso di 2025. Esei Antilliaans Dagblad, ku no a haña konfirmashon di esaki serka Banko Sentral, ta informá. Originalmente e plan tabata pa lansa e unidat monetario nobo den e di dos mitar di 2024.
Pero ta parse ku siman pasá a informá e bankonan komersial, ku ta hunga un papel importante den e introdukshon, ku e introdukshon lo tuma lugá probablemente pa mas tempran na luna di febrüari 2025.
Un di e motibunan pa un moneda nobo ta e nesesidat urgente pa monedanan mas moderno i spesialmente e biyetenan. E aktual biyete di florin tin kasi 25 aña kaba i ta relativamente fásil hoy en dia pa falsifiká e elemento di seguridat. Tambe internashonalmente tin konfushon riba e nifikashon di ANG, ya ku e ta referí na un pais ku no ta eksistí mas.
Un instansha internashonal a asigná e abreviashon XCG pa e florin nobo, pasobra tabata difísil pa haña un abreviashon pa un unidat monetario di dos pais, esta Sint-Maarten i Kòrsou. E X ta un lèter neutral i CG ta para pa florin Karibense.
Bakuna pa muchanan si esaki ta médikamente nesesario 
Sifranan di TCB ta mustra oumento den bishitantenan nobo
Kantidat di kamber di hotèl na Boneiru lo krese ku 65% den 2-3 aña di tempu
A neutralisá kachónan atrobe, e biaha aki pa prevenshon
