Kralendijk- E kantidat di kaso total na Boneiru ta parse di ta stabilisando. Pa un di dos dia konsekutivo e kasonan aktivo ta bou di esun di e di e dia anterior.

Awe 25 di mart 2021 tin 446 kaso aktivo di Covid-19 na Boneiru. 3 di e kasonan aktivo ta bishitante di Boneiru. Di e 80 personanan ku a tèst ayera, 29 a resultá di ta positivo.

38 hende a rekuperá di Covid-19. En total tin 14 persona den hospital. Tin 9 persona hospitalisá na Boneiru. A transportá 4 persona pa hospital na Kòrsou i 1 persona pa hospital na Aruba. 3 personá ta haña kuido intensivo den hospital na Boneiru.

Kontagio

E porsentahe di hende ku a bai tèst i ku ta resultá positivo a baha levemente di 44% ayera, pa algu mas ku 36%. Se e tendensia aki sigui, por konsiderá esaki positivo, pero ta trempan pa konkluí si esaki ta e kaso, si òf no.