Kralendijk- E kantidat di kaso nobo di Covid-19 na Boneiru ta keda hopi haltu. Despues ku un kantidat di 26 kas nobo den un solo tiru ayera a shòk bastante hende, awe tin otro 23 kaso nobo mas.

Den apenas 2 dia di tempu e kantidat di kasonan aktivo na Boneiru a kasi dòbel. Segun informashon di gobièrnu tin bista ‘riba un parti di e fuente’. Esei ke men ku no ta kla for di unda tur kontagio nobo ta sali.

Mester bisa ku ku gobièrnu aktualmente parse hopi relahá ku e tema di Covid na Boneiru i apesar di un subida drástiko den último dia aparentemente tin poko sentido di alarma na departamentu di Salubridat Públiko.