Kasonan aktivondi Covid ta subi na 11

Kralendijk – Tin 11 kaso aktivo di Covid-19 na Boneiru awe 16 di yüni 2021. Di e 25 resultadonan di tèst ku a drenta, 4 a resultá di ta positivo. Un persona a rekuperá di Covid-19. E kuater personanan ku a tèst positivo ta forma parti di mesun grupo di e kuater persona ku ayera a bini aserka. Ta trata di hóben i adulto ku no ta bakuná.

Ta importante pa ora bo tin keho bai tèst. Importante ta pa keda warda den karentena. No sali pa bo no kontagiá otro persona. Keda kas pa no kontagia otro persona pafó. Pa baha e sifra di kontagio ta importante pa mantené e reglanan di higiena. Tene 1,5 meter distansia i laba man ku awa i habon pa evitá kontagio ku e vírùs di corona.  

Bo tin keintura, doló di garganta òf kualke otro síntoma relatá na Covid-19? Keda bo kas i yama 0800-0800. Mantené e instrukshonnan di higiena. Kome salú, drumi sufisiente i move regular pa hisa bo resistensia. Kuida bo mes i esnan rònt di bo.  

Lesa tambe:

• 
  Skol básiko Het Koraal awor tambe ta un skol subsidiá
• 
  Wingo ta agrega 4500 stul riba ruta pa Aruba
• 
  Sterilisashon di kachó i pushi ta keda grátis na Boneiru 
• 
  Hòmber ta muri na Blue Bay despues di kaida ku frishidèr 
• 
  Paga tinu riba uso di awa | Aviso