Kralendijk- E kantidat di kasonan aktivo di Covid, ta sigui baha. Pa djabièrnè tin un kantidat di 65 kaso aktivo. Di 29 hende ku a pasa tèst, 4 a resultá di ta positivo. Esaki ta kasi 14% di e total di hende ku a bai pasa tèst djaweps.

Un pashente mas a fayesé pa motibu di Covid, tresiendo e total na 15. E kantidat di hende den hospital tambe ta sigui baha.

Ayera gezaghèber Rijna a disidí ku a nivel di riesgo lo bira 5 na lugá di 6, pero esei ketu bai ta nifiká ku tin hopi limitashon pa komèrsio, moveshon riba kaya, toke de keda i deporte. Rijna a hasi un apelashon riba tur hende di bai bakuná, pa e isla por bai bèk na e bida normal di antes.