Kimamentu di sushi a resultá den kandela

Riba djabièrnè 4 di mart sentral di polis a risibí notifikashon tokante un kandela na un kas situá na Seru Grandi.

Na yegada a topa ku un fèlt grandi ku a kima. Dos bòshi di mata tabata na kandela ainda. Brantwer a paga e kandela. No tabatin herido, pero e bisiñanan den besindario si tabatin molèster di holó i huma.

E habitante na e sitio kaminda e kandela a surgi a deklará ku ta djis sushi e kier a kima. El a hasi esaki den un baki di metal pero no a paga tinu ku e baki no tabatin bòm, dor di kua e kandela a plama.

Kastigabel

A papia serio ku e habitante tokante e echo ku kimamentu di sushi ta kastigabel. Un próksimo biaha lo sigui un prosès ferbal. 

---

Lesa tambe:

• 
  Bonchi Boneiru ke produsi kòfi di kalidat haltu na Boneiru
• 
  Flamingo Airport porfin ta bai haña left sofistiká pa ròlstul
• 
  Tera Barra ta regalá 500 palu di Watakeli 
• 
  A selebrá Dia di Emansipashon na Isla’Riba
• 
  Registro Sivil ta habri ora èkstra pa rekuperá sitanan pèrdí pa motibu di mal wer