‘Kiss & Ride’ na BIA no ta funshonando muchu bon

Kralendijk- Hopi hende ya no tabata masha kontentu ku e sistema di “Kiss & Ride” ku aeropuerto a implementá pa baha òf buska hende na aeropuerto. Pa kuminsá e lokalidat no ta fásil pa usa, ya ku tin tiki espasio i e ta keda relativamente leu di e terminal di pasahero.

Sinembargo, mester konstatá tambe ku e sistema no ta funshonando masha bon, pa motibu ku hopi hende ta usando e poko espasio ku tin pa stashoná nan outo einan pa basta ratu. Mester bisa tambe ku di parti di BIA no tin niun sorto di kòntròl riba uso koreto di espasio i pa perkurá u en bèrdat ta djies usa e espasio pa baha òf buska hende.

Nos reportero a saka e pòtret akiriba banda di 10 ‘or di mainta, ora ku apenas tin tráfiko na BIA. Tur hende por imaginá nan mes ki sorto di kaos tin, na momento ku avionnan di KLM, Tui i American Airlines yega.

Esaki definitivamente ta algu ku gerensia di BIA lo mester pone mas atenshon na dje.