KRALENDIJK- Partido polítiko M21 ta puntra pa un solushon rápido tokante e situashon di kas pa skol básiko Het Koraal.

Aunke Het Koraal a bira un skol finansia den aña skol 2022-2023, todavía no tin un akomodasé adecuado pa e aña skol ku ta bin. E skol ta keda situá den dos kas di biba, ku e kambernan a kambia pa klaslokaal. E situashon akí, naturalment, no ta ideal.

Segun M21, e plan di varios aña pa e edifisio nobo, e falta di edifisionan adecuado na Boneiru, i un presupuesto pa e enseñansa ku no ta ajustá ta e kosnan ku ta kreá desafiunan pa e skol.

No tin lugá 

E partido ros ta duna advertensia tambe ku, si no tin un solushon, mucha nobo no lo por a drenta e skol den e aña eskolar ku ta bin. Ta trata di más o ménos 40 mucha nobo ku a inskribí na Het Koraal.