Na Hulanda: Pronto por usa bakuna di AstraZenica atrobe

Den Haag- Bakunashon ku e bakuna britániko AstraZeneca na Hulandan por resumí riba un termino bastante kòrtiku. Esaki Minister di Salubridat Hugo de Jonge a bisa djaweps atardi.

Resientemente e agensia di remedi Europeo (EMA) i Autoridat di Medisina hulandes (CBG) a disidí di wanta temporalmente ku aplikashon di e bakuna aki. A base di informashon nobo, EMA i CBG ta bisa awor ku por sigui bakuná numa i ku e bakuna por tòg konsiderá komo seif.

“Esaki ta nifiká ku pronto lo resumí bakunashon di esnan ku ta tin sita kaba pa bakuná ku AstraZenica”, asina Minister De Jonge a skibi den un karta pa Tweede Kamer. Ta spera ku bakunashon ku AstraZenica lo kuminsá atrobe pa e siman ku ta bini aki.

Lesa tambe:

• 
  PDB ta instalá komishon pa sondea posibilidat ku otro partidonan
• 
  Programa di NOS-TV ‘Boneiru Ta Vota’ a yega su fin
• 
  Kambio polítiko riba e islanan, pero backstage
• 
  Apelashon pa dos hóben ku a trapa dos persona mata na Kaminda pa  bai Westpunt
• 
  E hòmber ku nan a maltratá seriamente den luna di yanüari na Aruba a fayesé