The Bottom, Saba- Na Saba gobièrnu ta bai inisiá un kampaña pa tira tur kabritu ku ta kana lòs den mondi i ku apartentemente no tin doño.

E medida, ku tin bastante tempu den preparashon, a trese hopi diskushon na e isla entre esnan ku ta pro e medida i esnan ku ta kontra.

Resientemente, durante su bishita na Saba, sekretario di estado Raymong Knops, a haña un presentashon tokante detayenan di e programa, ku ta wòrdu liderá dor di e eksperto lokal Justin Simmons.

“Kabritu ta un animal masha ‘cute’, pero tin muchu di nan ta kana rònt den mondi. Kanamentu di e animalnan aki den mondi ta kousa destrukshon i no ta aportá na un krio di bestia responsabel”, asina Knops a bisa.

St. Eustatius

Na St. Eustatius tambe tin diskushonnan andando tokante e problemátika di animal ku ta kana lòs. Na St. Eustatius e problema ta pió den sentido ku no ta traha solamente di kabritu, pero tambe di baka.

Na St. Eustatius gobièrno te asina leu ta dunando insentivo pa doñonan di animal mes sera nan animal den nan kunuku, pero den futuro serkano tambe tin plan pa bai tira esnan ku ta kana lòs.