Kralendijk- Fondo di penshun pa amtenar, empleado di kuido i enseñansa, PCN, ta sigui krese. Esaki por dedusí for di kuenta anual di e fondo ku a publiká esaki resientemente.
Ora ta trata na partisipante, e fondo a krese ku 434 persona te na un total di 6.168 persona ku ta haña òf di futuro lo bai kobra un penshun di PCN. Pa loke ta trata di kapital, e fondo akrese di un total na kapital di 520 mion di dòler den 2019 pa 611 mion di dòler na fin di aña 2020.
Rendimentu
A pesar di e krisis di Corona, 2020 a resultá un aña basta positivo pa invershonnan di e fondo. Na tur a realisá un rendimentu riba kapital di 15,3%, loke por konsiderá hopi bon.
Mas detaye di e kuenta antual di PCN por haña riba website di e fondo: www.pensioenfonds-cn.com
Brantwer lo ta hopi visibel relashoná ku entrenamentu pa shofùr
Ta trahando pa kita obligashon di PCR pa biahe entre islanan
Dr. Robertico Croes nombrá komo Tourism Strategist & Advisor na TCB
Impreshonante apertura pista na Onima 
