KRALENDIJK- Pa duna inisio ofisial na e apertura, esaki a kuminsá ku palabranan di bonbiní di e hefe di INDEBON, Terrence de Jongh. 

Ta trata di e Plan di Fakansi organisá pa INDEBON, ku a kuminsá e promé dia na Jorge Nicolaas Kompleho Deportivo. “Awe nos ta kuminsá ku e promé dia di aktividat i tur dia tin kos na un sitio diferente. Esaki ta dura 1 siman. E muchanan huntu ku nan lider ta pasa na warda di polis, Parke Washington, brantwer, Mangasina di Rei i partisipá tambe na wega di Paintball. Hopi mucha a akudí” asina de Jongh a splika.

Un kantidat di mas ku 80 mucha inskribí, ku a keda partí den dos grupo di edat. “Nos a bin ku ideanan nobo i a mira ku mester di mas aktividat pa e muchanan. Ta trata di diferente aktividat na diferente sitio”, asina e hefe di INDBON a aplika.

Wega i branspùit

Despues di e apartura di e Plan, a sigui mesora ku diferente wega paden di e sala na e kompleho di deporte. Mas despues muchanan a kome algu i brantspùit a presentá. Muchanan a gosa un mundu, momentu brantspùit a muha nan i nan tabata kore slep den awa. Un ambiente tremendo e promé dia.