Posibel medida kontra Klup Nokturno ku a aportá na brote di Corona

Kralendijk- Segun gezaghèber Eidson Rijna, ta evaluando ainda si ta bai tuma medida kontra di e klub nokturno, kaminda hopi hende a kontagiá ku e virus di Covid.

Esaki Rijna a kontestá Sylvia de Leon di Bonaire.nu ku a puntra gezaghèber si e klup en kestion a kumpli ku e medidanan ku ta pas ku un nivel di riesgo 3, ku tabata na vigor na e momentu ei.

“Nos ta evaluando esaki ainda, i posiblemente lo mester tuma medida kontra di e klup konserní, asina Rijna a bisa. Ta konsiderando e lugá aki mas i mas komo un asina yamá ‘super spreader event’, kaminda ku 1 òf mas hende, ta kontagiá hopi otro hende den un solo evento.

Dos midí?

Den pueblo, hopi hende ta kuestionando ku sí a tuma medida kontra di Nilo Emerenciana, despues ku esaki a organisá un fiesta di kumpleaño na fin di desèmber 2020 kaminda basta hende a pega ku e virus, dikon no ta tumando e mesun medida kontra di e klup nokturno responsabel pa e brote mas resien di Covid na Boneiru.

Lesa tambe:

• 
  PDB ta instalá komishon pa sondea posibilidat ku otro partidonan
• 
  Programa di NOS-TV ‘Boneiru Ta Vota’ a yega su fin
• 
  Kambio polítiko riba e islanan, pero backstage
• 
  Apelashon pa dos hóben ku a trapa dos persona mata na Kaminda pa  bai Westpunt
• 
  E hòmber ku nan a maltratá seriamente den luna di yanüari na Aruba a fayesé