BOGOTÁ – Na Kolombia djamars a tuma lugá un enkuentro entre Reina Máxima i presidente Kolombiano Gustavo Petro.

E reina ta na e pais besino den su kapasidat komo delegando spesial di Nashonnan Uni, kaminda e ta dediká su mes pa inklushon financiero aksesibel na gruponan vulnerabel òf ménos previligiá.

Reina Máxima i presidente Petro a papia entre otro tokante mehoreshon di sistema finansiario pa krese inklusión i efisiensia. Presidente Petro a enfatisá e nesesidat di un sistema di pago gratis na e pais. Nan a papia tambe tokante e nesesidat pa suplementá servisonan di banko tradishonal ku servisio finansiario moderno manera servisionan finansiero digital i sistemanan kooperativo.

Turismo

E presidente Kolombiano a hasi uso di e presensia di Reina Máxima pa papia tokante e importansia di turismo entre e tera firme di Kolombia i e islanan ABC. 

“Mi a papia ku Reina di Hulanda tokante stimulashon turismo entre e nòrt di La Guajira i e islanan Aruba, Bonaire i Kòrsou, i posiblemente Repúblika Dominikana. Un akuerdo lo hasi mas fásil pa turista di biaha entre e destinashonnan bunita aki, ku no solamente lo stimulá turismo, pero tambe reforsá kooperashon regional”, presidente Petro a menshoná riba su Página di Facebook ofisial.