Selibon: ‘Totalmente neutral den eskoho di sindikato dor di empleadonan’

KRALENDIJK – Selibon den un relato di prensa a enfatisá ku nan ta kompletamente neutral den kaso di eskoho di e sindikato ku lo representá e empleadonan. “Komo dunadó di trabou responsabel nos no ta faboresé niun sindikato“, asina direktor Rudsel Leito a bisa.  

Segun Leito, na vários okashon ta manda mensahenan anónimo pa desplegá informashon negativo i eróneo tokante Selibon su aktitut den e disputa entre sindikato i empleadonan. Sin niun klase di base ta akusá gerensia di e kompania di tin partisipashon den e malkontentu di miembronan pa nan sindikato i ta stroba miembronan di afiliá na un otro sindikato”.  

Leito ta bisa ku aunke no ta kustumber di Selibon pa reakshoná riba loke e ta deskribí komo ’tiramentu di lodo’, e kompania a disidí tòg informashon inkorekto ku ta sakando.

Mayoria

E direktor di Selibon a enfatisá tambe ku e kompania lo respetá deseo di mayoria di trahadó. No opstante kua sindikato lo ta e eskoho”, äsina Leito a sigurá. 

Komo dunadó di trabou responsabel Selibon ta enfatisá riba un relashon di rèspèt mútuo ku e sindikato ku ta representá su empleadonan.  

Selibon ta konsiderá e akusashon di a menasá i intimidá trahadó pa no afiliá na AFBW na lugá di ABVO komo súmamente grave. “Esaki simplemente no ta bèrdat. Ta inaseptabel ku un persona òf grupito ta trata di e forma aki pa trese desunion i deskonfiansa den nos kompania”, Leito a sigui bisa.