Kralendijk- E servisio ku e kompania hulandes Hestia a lanta na Boneiru, huntu ku Bonlab, pa pasa hende un tèst di PCR pa na por biaha ta funshonando di un manera hopi efisiente.

Pasaheronan ku ke pasa un tèst tin ku registrá nan mes via di e wèpsait pa saka un turno i pa paga di forma ònline. Despues ta pasa riba e dia i ora stipulá pa e faslidat pa tèst ku ta keda riba tereno di Courtyard by Marriot pa pasa e tèst.

Diferente na e tèstnan ehekutá pa Hestia i Bonlab ku no ta hinka e ‘swab’ te ariba den nanishi, loke pa hopi hende ta un eksperensia hopi desagradabel. Na otro banda, kaminda ku kasi tur otro lugá ta hinka a swab hopi ariba, den kaso di Hestia i Bonlab no ta pasa e swab den 1, si no den ambos buraku di nanishi.

Lihé

E tèstmentu riba su mes ta tuma ménos ku 2 minüt. Hopi kliente sinembargo no ta pone bon atenshon na e momento di registrashon, kaminda tin ku generá un number i mester traha un ‘pincode’ pa por wak e resultado. Esaki ta pone ku ora nan yega na e sentro pa tèst, mester duna nan asistensia pa kompletá a proseso di registrashon.

Aunke ku Hestia/Bonlab ta bisa ku e tèst ta subi ònlain dentro di 2 ora di tempu, den práktika esaki ta drenta hopi biaha den masomenso 1 ora despues di e momento di tèst.