Kralendijk- Kontrali na e situashon na hermana isla Kòrsou, e situashon pa ku Covid-19 na Boneiru ta parse bou di kòntròl. Aunke ku for di siman pasá tabata tin algun kaso nobo, e kresementu den infkeshon diario a baha te na 1.

Entretanto, dor di e poko kasonan nobo, e total na kasonan aktivo di Covid tambe ta bahando levemente den dianan tras di lomba.

Pa djasabra atrobe tabata tin 1 solo kaso nobo di Covid. Dor di rekuperashon di otro kaso, e kantidat di kaso aktivo a baha bai 15 djasabra mainta. Na tur un total di 30 hende a pasa tèst djabièrnè.