KRALENDIJK – Biblioteka Públiko di Boneiru ta organisá huntu ku Fundashon di Kurason tayernan gratis di ‘spoken word’ na luna di ougùstùs. ‘Spoken word’ ta un forma di deklamashon kaminda ta presentá tekstonan rítmiko riba podio, hopi biaha den diferente idioma.

E tayernan ta tuma lugá riba 3, 10, 17 i 24 di ougùstùs di 3’or pa 5’or di atardi na Biblioteka Públiko. E tema di e luna aki ta ‘felisidat’. Durante e seshonnan e partisipantenan lo siña kon nan por skirbi i deklamá nan propio tekstonan.

Riba 31 di ougùstùs tin un presentashon spesial di e obranan ku nan a traha pa públiko na Parke Isidel. Gershwin Bonevacia, un artista konosí di ‘spoken word’, lo ta presente pa inspirá e partisipantenan i atmirá nan obrnan.

Bo ke partisipá? Registrá via email na: 

[email protected] òf manda un WhatsApp na 7706302.