KRALENDIJK – Via e programa Bonaire Friends Ofisina di Turismo di Boneiru (TCB) a bolbe rekonosé algun persona ku a duna un kontribushon importante na sektor di turismo na Boneiru. E biaha aki  a rekonosé Farid Ayubi, Zoey, Fra i Dora dentro di e programa.

Farid Ayubi a yuda un señora, ku el a topa na kaminda ora ku e tabata hasiendo un tour, ku un sla na su ènkel. Zoey a duna bon servisio i a demostrá atenshon sinsero pa su wéspetnan den un establesimentu hotelero.

Fra a demostrá empatia eksepshonal pa un bishitante ku a bini Boneiru pa tuma despedida di un ser kerí. Dora ta yama pa binti aña kaba tur wéspet, ku ta yega e empresa di hür outo kaminda e ta traha, bonbiní ku un sonrisa.E programa Bonaire Friends ta eksponé e indivíduonan eksepshonal ku ta kontribuí pa hasi di Boneiru bèrdaderamente un destinashon ekstarordinario. Ta enkurashá bishitantenan pa kompartí nan propio storia, pòtrèt i video di enkuentronan spesial ku e komunidat lokal. Por hasi esei via e página spesial di Bonaire Friends.