KRALEDIJK- STINAPA a anusiá djarason ku ku for di 1 di mei te 31 di òktober ta prohibí pa kohe kref den awanan di Boneiru, Klein Bonaire i Lac.
Den e periodo aki kref ta par, p’esei e prohibishon. E lei aki ta kana samsam ku esun di Venezuela. Den e periodo di 1 di mei te 31 di òktober no por kue, kumpra, sirbi, bende ni kome kref fresku.
Ora e temporada habri atrobe dia 1 di novèmber por kohe kref entre Willemstoren i Malmòk na e kosta pariba di Boneiru. Kref ku kue den e temporada ei mester midi mas grandi ku 12 centimeter si midi di punta di kabes pa e lomba, ku otro palabra e rabu no ta den e midí.
Webu
Durante di e periodo di kalor e kreft muhénan por pone kasi shenmil webu. Esaki por sosodé dos biaha den e periodo. E ta tene e webunan riba su rabu pa algun siman te ora nan ta kla pa sali. Ta prohibí pa kohe kref ku tin webu.
ACM ta fiha tarifanan máksimo pa distribushon di koriente na Hulanda Karibense
Saba ta bai intensivá reforestashon ku plantamentu di 5000 palu
Boneiru ta kana hopi dilanti den proseso bakunashon
