Tourism Corporation Bonaire ta rekonosé Andy Serberie pa su akto noble

Kralendijk – Dia 15 di yüli, Tourism Corporation Bonaire (TCB) a rekonosé Andy Serberie pa su akto noble ku el a hasi e dia promé. Ayera, dia 14 di yüli, Andy Serberie, tabata piskando algun mia for di kosta i a nota algu kòra ta drif riba awa. Ora el a yega serka, el a topa ku dos sambuyadó ku a bai leu for di kosta i ku tabata buskando yudansa pa bai kosta bek. Mesora Andy a yega mas serka pa a duna e sambuyadónan un pida kabuya pa nan por a tene na dje i trese nan salvo bek na kosta.

Andy Serberie ta un piskadó lokal ku bo por topa diariamente na waf di piskadó òf riba laman. Pa e akto noble aki, TCB a rekonosé Andy komo un embahador di Boneiru. Andy a risibí un medaya di oro i tambe un regalo di parti di TCB, Karels’ Beach Bar & Restorant i un estadia di Plaza Beach Resort & Casino.

Andy sigur ta un ehèmpel pa nos tur i su akto ta representá e komunidat di Boneiru ku semper ta kla pa duna un man na un i tur. Danki Andy pa bo akto di balentia.

---

Lesa tambe:

• 
  A renombrá Representante di Reino interino pa Boneiru, Sint Eustatius i Saba
• 
  AFBW ta denunsiá abuso kontra di trahadó di HORECA na Boneiru
• 
  Gobièrnu di Saint-Martin ta kumpra Air Antilles den proseso di bankarota
• 
  Buelo di TUI ta keda pegá na aeropuerto di Boneiru
• 
  Plantashi Bolivia – parti 2: Historia i futuro