KRALENDIJK- Entidat Públiko Boneiru (OLB) a anunsia resientemente ku e pisina flotante i tambe Parke Tului lo keda será pa un tempu, pa ehekushon di mantenshon.

E dianan aki ta trahando riba instalashon di un rampa speshal, pa asina esnan ku tin limitashon di mobilidat por yega na e pir flotante tambe. 

Tambe tin trabou pa pone un kapa nobo di semento riba e parti di pier ku ta bai pa e pisina flotante. Aunke inisialmente tabatin hopi skeptisismo tokante e proyecto, esaki mientrastantu a kambia por kompleto.  

E pisina flotante no ta solamente popular pa diverso kompetensianan ku ta tuma lugá den laman, sino tambe ta wòrdu usá pa metanan kreativo.