KRALENDIJK – Despues di un bahada basta drástiko na kantidat di turista ku a bishitá Boneiru na luna di sèptèmber, luna di òktober a mustra un rekuperashon basta fuerte. 

Segun sifranan preliminar di Tourism Corporation Bonaire (TCB), e isla a resibí 14.406 turista di estadia luna pasa, un oumento di 6,6% kompará ku oktòber 2023, ora a bin 13.520 bishitante. 

E kantidat di turista di estadía a pasa tambe e kantidat di e sifranan pre-pandemia di oktòber 2019, ora Bonaire a yama bon biní na 12.200 bishitante. E Regata anual di Bonaire a kontribuí na esaki, spesialmente dor di e kresementu di kantidat di bishitantenan for di e islanan hermana, manera Kòrsou i Aruba. 

Aruba 

Spesífikamente por a nota un subida drástiko den e kantidat di bishitante ku a yega for di Aruba. Na òktober 2024 esaki tabata 620, mientras ku na aña 2023 esakinan tabata 372/ Esaki ta nifiká ku a kantidat a krese ku kasi 100%.