DEN HAAG – Mester bini un fondo di rekuperashon pa desendientenan di víktimanan di sklabitut. Mester pone ku e palabra ‘neger’ ta kastigabel i Zwarte Piet mester disparsé for di e pantaya públiko. Esei diferente grupo di persona interesá ta skirbi den un karta dirigí na gabinete i ku ta den man di e programa Nieuwsuur.

Solamente si konsedé e eksigensianan aki i mas e partidonan ta bai di akuerdo ku e despensa públiko di e gabinete riba 19 di dezèmber.

E organisashonnan ke pa e gabinete presentá un ruta konkreto ku ta dura mes tantu te ku “a solushoná e deskriminashon di e desendientenan”. Nan ke pa Hulanda anulá e debe ku Sürnam i e islanan Karibense tin interno. Banda di esei e fondo di rekuperashon mester bai finansiá struktural entidatnan kultural pretu i institushonnan.

Rei 

Un otro eksigensia ta ku rei Willem-Alexander lo tene un diskurso den Oosterpark na Amsterdam durante e konmemorashon riba 1 di yüli. E promé minister di Aruba i organisashonnan entre kua Zwart Manifest, Kick Out Zwarte Piet, The Black Archives, NiNsee i Vereniging Antilliaans Netwerk ta sostené e dokumento aki yen di ‘kondishon’.

“For di nos posishon nos ta bai di akuerdo ku 19 di dezèmber i por defendé esaki públikamente solamente si gabinete ta komprometé su mes ku e kondishonnan ku nos ta proveé”, nan ta skirbi.

Rekonosimentu di, despensa pa i rekuperashon di daño pa motibu di e pasado di sklabitut mester ta ankrá den lei, e organisashonnan ta opiná. Djaweps ku a pasa e miembronan di e gabinete a papia ku e organisashonnan i representantenan di e parti Karibense di Reino i Sürnam na Catshuis riba e despensa ku ta planiá pa e pasado di sklabitut.

Segun e outornan di e kondishonnan e gabinete tabata hopi preukupá durante e deliberashonnan na Catshuis pa e polarisashon den komunidat ku lo tin su transmishon tambe den e esfera polítiko. “E miedu ta ku lo deshasí di e momentum ku a krea aki si warda muchu largu”, ta pará skirbí.