ORANJESTAD – Durante kòntròlnan di tráfiko riba henter e isla polis di Aruba a parti djasabra anochi 42 but pa korementu duru. Esei a sosodé riba e kamindanan prinsipal kaminda e velosidat máksimo ta 80 kilometer pa ora. 

E agentenan motorisá tabata kla pará entre otro riba Watty Vos Boulevard entre Codemsa te na Paperclip Rotonde, entre Ponton i e rotònde Bushiri/Madiki, entre Codemsa i e  rotònde FCCA i riba  Green Corridor, entre Aeropuerto i Mahuma i Seroe Tijshi te na Drive Inn.

A para dos outo despues ku e radar a midi 147 kilometer riba e oloshi. A kita reibeweis for di ámbos shofùr.

Ku e dianan di fiesta na kaminda polis ta atvertí pa mal uso di alkohòl den tráfiko. Ta sigui ku e kòntròlnan e siman aki.