KRALENDIJK- Kayana di Playa djadumingu tabata relativamente drùk for di mainta trempan ku hendenan preparando nan stènt pa e marcha hubenil. 

Por a ripará ku tabata tin hopi entusiasmo ámbos bou di e partisipantenan na e marcha, komo na esnan ku a sali kas pa wak e parad di mucha pasa. Por bisa tambe ku e parada tabata relativamente kòrtiku, pero kolorido. 

E parada di mucha a wòrdu konfrontá djadumingu ku vários momentu di yobida i awa di spat. Esaki sinembargo no a pone ku e parada a para òf ku hende a baha bai. 

Rincon

E marcha a pasa djasabra den kayanan di Rincon, kaminda ku tabata tin mihó wer ku tabata e kaso na Playa. Despues di un ousensia di dos aña, por a ripara hopi entusiasmo ámbos serka e muchanan komo esnan ku a para kant’i kaminda.