KRALENDIJK- Ounke por a skucha hopi sonido negativo di antemano, por bisa tòg ku Karnaval Grandi a resultá di ta ámbos bunita i luhoso, kompará ku añanan anterior. 

E krítikanan tabata asina fuerte na momentu dado ku Fundashon Klave, ku tabata responsabel pa karnaval e aña aki a bisa ku nan lo no ke organisá e karnaval otro aña. Sinembargo por a skucha hopi sonido positivo di ámbos habitante i bishitante ku a mira e parada kolorido den kayanan di Kralendijk djadumingu atardi. Tabata tin tambe hopi ambiente kant’i kaminda. 

Ounke pa un gran parti di e marcha awaseru a menasá di kai ku nubianan hopi skur, i ku aki aya awa por a spat un tiki, pero tòg por bisa ku no a strobe a karnaval finalmente.