PARAMARIBO – A laga e lider di protesta na Paramaribo, Stephano ‘Pakittow’ Biervliet, den libertat ayera nochi. Esei e sitio di notisia Sürnam Waterkant.net ta informá.

No ta kla si e ta sospechoso ainda den e kaso ku a entamá kontra dje.  A detené e aktivista Surnameo mas ku un siman pasá despues di e brote di violensia den e kapital di Sürnam kaminda a asaltá entre otro e parlamento.

Biervliet mes a bisa den un deklarashon ku e no ta responsabel pa e disturbionan. Segun e ta otro gruponan, ku e no tabatin kontakto kuné, a organisá esakinan.

Polis a detené durante di e disturbionan mas ku shen hende. Ta sospechá nan di sakeo, ladronisia i otro echonan kastigabel. Durante e iregularidatnan tabatin sigur binti herido. A sakia pòmpnan di gasolin i pakusnan den kapital.

E protestanan a originá pa motibu di malkontentu ku e gobièrnu di presidente Chan Santokhi i e estado malísimo di ekonomia di Sürnam.