DEN HAAG – Alrededor 289 militar di Ehérsito Real i Marina Real ta biaha djaluna pa Sürnam pa e Jungle Warfare (Instructor) Course.

E entrenamentu ta tuma lugá pa di dos aña konsekutivo na Sürnam i e aña aki ta Kuerpo di Marina ta organis’é. Banda di militarnan Hulandes tin tambe un kantidat di militar Merikano ku ta sigui e entrenamentu Hulandes.

Entre 6 i 12 di mart por mira  aktividat militar Hulandes  den haf i den sentro di Paramaribo pa motibu di movishon logístiko entre barku i e áreanan di entrenamente sùit di Paramaribo.

Di e 280 militarnan 120 marinero i militar di Divishon Áereo ta partisipá na e Jungle Warfare (Instructor) Course, sobrá ta responsabel pa duna asistensia.

Durante e entrenamento den selva e militarnan ta siña pa sobrebibí i bringa den selva.

Aktuashon militar den selva ta eksihí eksperensia; e situashonnan ta pisá pa motibu di kalor, humedat haltu den aire i flora i founa peligroso. Durante e entrenamentu e militarnan ta siña pa sobrebibí bou di e sirkunstansianan ei, enfrentá e bataya i gana.

E entrenamentu den selva di Sürnam ta resultado di koperashon restablesé entre ámbos pais riba tereno militar, manera ámbos ministernan di defensa a kumbiní na luna di aprel 2021.

Hulanda ta brinda asistensia ku e formashon i entrenamentu den e kuadro militar  i ku desaroyo di e Ehérsito Nashonal Sürnam i Wardakosta. Sürnam ta kompartí su eksperensia di operá den selva.