Skirbí pa Auke van der Berg

Bo ta keda strañá tòg un ratu si bo lesa ku un persona ta kumpra djes porshentu di e teritorio di e isla. Esei ta algu manera Limburg, Zeeland i un parti di Noord-Brabant huntu si bo tradusi’é na Hulanda Oropeo.

Ounke, no ta dje straño ei ku tereno ta propiedat privá. Rei Willem-Alexander por ehèmpel tin 319 bènder den su portafolio.

Breemhaar no tin nodi di kontestá e pregunta si ta salú ku un persona ta doño di un parti grandi asina di e isla. E ta un empresario ku ta hasi uzo di posibilidatnan. No mas i ni ménos.

Famia Hart tampoko no mester duna kuenta i rason. Ounke den nan kaso un kabayero di balor i norma por hasi algun pregunta, mirando e funshon ku Richard Hart tabatin. Pasobra e tabata gezaghebber di e isla di 1998 te 2003.

Esun ku bo por i mag dirigíbo na dje ta e gobièrnu lokal. E gobièrnu por a evitá ku e plantashi a keda den mannan privá. E preis di kompra lo no tabata e problema.

Ku e entrada di 160.000 biaha e impuesto di turista ($ 75,- p.p.) bo a skupi e montante di 12 mion den un aña. Pasobra na 2022 173.200 turista a yega ku avion.

Konta bo ganashi.

Pa un gobièrnu ku aña’den, aña’fó ta publiká rapòrtnan ku tin vishonnan di un isla bèrdè, duradero i ku ta bebe lech’i avena, por lo mínimo ta remarkabel ku el a laga e chèns aki pasa bai. Un chèns pa tene kòntròl riba desaroyo di e isla, un chèns pa kristalisá tur e deseonan di e rapòrtnan aki.

Deseonan ku a dokumentá ku regularidat di un oloshi Suisa:

Na 1992 e Rapport van de Commissie lntegrale Sociaal-Economische Aanpak Bonaire, mihó konosí komo Rapport Pourier a mira lus di dia.

Na  1999 a sali Het Milieubeleidsplan Bonaire 1999-2004.

Na  2010 e Masterplan strategische ontwikkeling Bonaire 2010-2025.

Na  2015 e Meerjarenplan Bonaire 2015-2025.

Na 2017 Tourism: Synergizing people & nature for a better tomorrow 2017-2027. Ku komo súptitulo: The Caribbean’s 1st Blue Destination.

E rapòrt aki ta bisa ku ‘Bonaire has always been a worldwide leader in recognizing the important aspects and developments of sustainability as well as sustainable economic growth opportunities.’

Na 2019 e Masterplan Bonaire 2030.

Akiden ta resumí e soño asinaki: ‘We all dream of a thriving future. A thriving future for our kids, our families, our friends and our neighborhoods. A thriving future where everybody has a satisfying job and where there is no poverty, a thriving future where the economy is flourishing and in balance with the nature and culture of Bonaire.’

Durante presentashon di e Masterplan Bonaire 2030 ei na 2019 e Diputado di Finansas  i Asuntunan Ekonómiko di e tempu ei a deskribí kon e isla lo ta na 2030:

‘Un shofùr di taksi kariñoso ta hiba e turista na un boutique hotèl ku a kaba konstruí i ta konta ku hopi orguyo di e isla i tur loke por hasi riba dje. Mientrastantu ta mas ku 50 aña pasá ku a lanta e Parke Marino Nashonal. Organisashonnan sostenibel i sambuyadónan di rònt mundu sa mientrastantu kon spesial ta ku e Parke Nashonal ta eksistí mei siglo kaba i ta bini Boneiru spesial pa sambuyá  i gosa di e mundu protehá bou di awa. Naturalesa i bienestar di animalnan ta hopi apresiá riba mapa mundial. Boneiru komo Blue Destination ta biba!

E Bonerianonan ta hasi esei ku asina hopi atenshon, amor i konsiensia pa naturalesa, ku a lanta programanan kompleto pa hasi investigashon kon mantené e naturalesa bon, sabiendo ku e isla por gran parti ta dependé di turismo. Diferente organisashon a tuma algun habitante komo eksperto i ta komparti konosementu di siglonan bieu kon biba den balanse ku naturalesa.

Na 2019 Boneiru a firma un Declaration for the Oceans ku Union Oropeo i otro pais- i teritorionan ultramar pa protehá oséanonan. Djesun aña despues Boneiru por yama su mes un di e embahadónan ku mundu ta wak pa loke ta trata relashon sostenibel ku laman.’

Riba e isla ta keha hopi biaha ku rason riba e kantidat di rapòrt, investigashon i kombersashonnan ku Den Haag ta produsí pa prevení maneho riba e islanan.

Mientrastantu nos por konstatá ku e yamada riba e islanan pa igualdat ta opsoleto.

Lesa AKI parti 1, parti 2, parti 3, parti 4