Kralendijk – Den un dokumentario ku tin e título “Mi tata, mi yu muhé” produktor di pelíkula Pavan Marthe ta investigá e impakto emoshonal di separashon di mayor-yu. Anualmente alrededor di 5.000 mucha ta pèrdè e kontakto ku un di nan mayornan despues di separashon i hopi biaha esei ta e tata.

Komo mucha Pavan a mira pa añanan largu e tristesa di su tata, ku tabata sinti falta di su yunan muhé pa tempu largu. Awor ku for di algun aña e tin kontakto atrobe ku e yu muhé mayó Tara, Pavan ta bini ku su tata Boneiru den e dokumentario pa bishit’é i restablesé e lasonan familiar. Einan nan ta deskubrí ku e trouma di e falta ta mas grandi ku nan por a pensa.

Pavan Marhe, ku su mes a haña un areglo di bishita ku su yu muhé despues di un separashon, ta mustra den su dokumentario personal e konsekuensianan di e pèrdida aki pa tantu mayornan komo muchanan.

Despues di un lucha difísil Pavan a haña  un areglo di bishita pa su yu muhé, ku a nase na 2019, despues di a terminá su relashon ku su mama. E añanan siguiente a tipifiká nan mes pa disputanan hurídiko, konfliktonan i nochinan sin drumi. Despues di dos aña numa Pavan a haña e chèns pa wak su yu regularmente i awor e yu ta parti su tempu entre ámbos mayor. Durante e periodo kompliká aki Pavan a haña hopi sosten di su propio tata, Moti Marhé, ku e mes durante 35 aña no tabatin kontakto ku su dos yunan muhé di un matrimonio anterior.

Pavan Marhe, e produktor di pelíkula, ta konta: “Mi yu muhé a nase na 2019. Lástimamente na e momento ei e mi relashon ku su mama a terminá. No a dura muchu ku a originá un pelea pa nos yu muhé i mi tabata mir’é iregular. A sigui kasonan den korte, pleitu i nochinan sin drumi. Porfin despues di dos aña a bini un areglo di bishita i mi por a mira mi yu muhé atrobe. Awor e ta biba 3 dia pa siman serka mi. Spesialmente den e periodo difísil ei, pero ainda, mi tabatin hopi sosten di mi tata. E tabata sa eksaktamente den kiko mi tabata pasando.

Lo transmití e dokumentario “Mi tata, mi yu muhé” djadumingu 29 di ‘oktober 2023 pa 16.25 na NTR na NPO2.