KRALENDIJK – En konekshon ku un investigashon di un kaso di ladronisia ku a tuma lugá den oranan di anochi riba djaweps 5 di òktober último den ‘Centrumgebied’ na Boneiru, Kuerpo Polisial Hulanda Karibense ta buska doño di e vehíkulonan visibel riba e potrètnan. Ta trata di e vehíkulonan marká ku strepi hel. 

Riba e fecha menshoná, polis a gara un sospechoso ku tabata listra den diferente vehíkulo stashoná den ‘Centrumgebied’. Doño di e vehíkulonan aki probablemente ta víktima di ladronisia. 

Den kaso ku bo rekonosé bo vehíkulo, mèldu personalmente na bali di warda di polis òf via telefòn na 715-8000.