KRALENDIJK – Entidat Públiko Boneiru (OLB) ta kuminsá un kampaña nobo pa konsientisá siudadano di e importansia pa usa ménos energia posibel. E kampaña a haña e nòmber ‘You got the power’, pa indiká ku siudadanonan mes tin poder pa hasi sierto kos pa yuda nan usa ménos koriente. 

E kampaña lo kuminsá riba 7 di desèmber na Social Café, kaminda siudadano por hasi pregunta òf risibí konseho tokante sparmentu riba uso di energia. Tambe lo duna sierto produkto gratis, ku por usa na kas pa warda energia.

Aparte di esaki, negoshinan lo por presentá nan produkto ku nan ta bende pa spar energía, den un sorto di marshe. 

Supsidio

Diputado Den Heyer a bisa riba djabièrnè den programa Bon Informá ku e supsidio pa personanan menos pudiente pa yuda esakinan paga nan kuenta di WEB ketu bai ta na vigor.  Siudadano ku lo por bin na remarke pa e supsidio aki, pero no a hasi petishon pa esaki ainda, ta wòrdu enkurashá pa yena formulario pa e supsidio pa esaki por kuminsá kore.