KRALENDIJK – Bonaire Bon Transition ta trahando, banda di konstrukshon di un depósito nobo pa warda fyul na un manea seif e respondabel,  ke yega na realisashon di un infrastruktura pa genera energia di forma mas diversifiká i sostenibel pa e isla.

Asina, BBT ke partisipá pa 50% den un parke nobo di bientu, ku ContourGlobal Bonaire ta realisadno. E proyekto grandi aki no tin solamente e meta pa sostené e nesesidat krechente di energia na Bonaire, pero tambe pa redusí e depensia di fyul. 

E parke di bientu planeá, ku probabilidat grandi lo wordu realisá na e mes lokashon di e parke di bientu aktual, lo oumentá e kapasidat di produkshon di manera signifikante. E meta ta pa e parke nobo ta operashonal pa fin di 2026. 

Ora e parke di bientu ta operashonal, lo por satisfe un parti signifikante di e demana di elektrisidat di Bonaire.

E realisashon di e proyekto ta trese reto logístiko ku e transportashon di e turbina grandi di bientu pa Bonaire. Esaki ta pidi un koperashon presiso i preparashon nesesario. Segun BBT, nan ta trahando duro riba esaki. 

Aparte di e parke di bientu, BBT tin e inteshon pa partisipá den e kontrukshon di un di dos parke di solar. E parke di pànel solar aki mester ta kontribuí pa un suministro di energia stabil, especialmente den periodonan kaminda e bientu ta limitado.

Energia renovabel 

Direktor Walter Wattenberg di BBT ta enfatizá importansia di e proyektonan aki: “Bonaire ta krese rápido, i ta generá falta mas. Na mes momentu, mester kita e dependensia di fyul fósil manera posible. Tin nesesidat di grandi pasa den e area di energia renovabel.”