KRALENDIJK- E promé akshon di listramentu preventivo a tuma lugá ayera anochi, djasabra 21 di desèmber, entre 9.30 or di anochi i 12.30 or di mardugá. Durante di e akshon a kontrolá  personanan presente na vários establesimentu di hóreka, sitionan públiko i vehíkulonan den e áreanan di riesgo di seguridat.

A logra e siguiente resultadonan: 2 detenshon pa violashon di Lei di Opio BES, 1 arma di kandela konfiská, kantidat di droga hañá, sèn kèsh, sospechá di ta prosedente di trafikashon di droga konfiská, 2 kuchú konfiská, 1 outo hibá warda i un 1 entrada hudisial na un kas situá na Kaya Maria den kuadro di violashon di Lei di Opio BES.

Gezaghèber, despues di a konsultá ku fiskal i hefe di kuerpo polisial, a disidí pa indiká algun área komo área di riesgo di siguridat. Den e áreanan di riesgo di siguridat indiká, fiskal ta outorisá pa duna òrdu pa ristramentu preventivo. Esaki ta enserá ku pa durashon di e òrdu por listra tur hende, sin ku un sospecho ta rekerí pa esaki.

Esaki ta nifiká ku entrante 20 di desèmber 2024 te ku 20 di yanüari 2025, por listra tur hende ku ta move den e áreanan aki, sin ku tin indikashon i/òf sospecho pa hasi esaki